Sa e nxori nga goja urdhrin Belinda Balluku, Bledi Gonxhe e vuri në zbatim për të bërë ca lekë me këtë iniciativë. Pak mua më parë, ministrja deklaroi se këto impiante do të vendosen në tarracat e institucioneve në vend. Dhe pas këtij urdhri, kreu i DPSHTRR po nxiton që të vendosë panelet në institucionet që janë në varësi të tij. Aq shumë po nxiton sa këto projekte po i bëhen në shkelje të ligjit. Dhe si pasojë është denoncuar në Komisionin e Prokurimeve prokurimi me vlerë 153 milionë lekë.
Sipas të dhënave të ankesës që ka bërë firma “Albalight shpk” me datë 24, përshkruhen pikat që ka shkelur DPSHTRR. Me qëllim që tenderin ta marrë firma e paracaktuar si fituese.
Një nga pikat që evidentohet në ankesë është se Gonxhe kërkon që operatori të ketë të regjistruar në staf në 3 muajt e fundit një inxhinier, teknik ndërtimi, elektricist, mekanik. Ashtu sikur pretendon ankimuesi, edhe KPP ka dalë në rezultatin se kërkesa për disponueshmërinë e stafit me punonjës të specifikuar. Për një periudhë që përfshinë 3 muajt e fundit është një kërkesë ekzagjeruar. Dhe që bie ndesh me ligji “Për Prokurimet Publike”.
KPP konstaton se mënyra se si është hartuar ky tender sjell ulje të konkurrencës dhe shton rrezikun për abuzim.
Gjithashtu, pas shqyrtimit të ankesës, KPP i kërkon DPSHTRR që të modifikojë kriterin ku kërkon që punonjësit me profesionet e lartpërmendura të rezultojnë me doemos në listpagesën e operatorit konkurrues nga korriku i vitit 2022 deri në dhjetor të vitit 2022.
Mospërputhje dokumentesh
Sipas Komisionit, të gjitha dokumentet e tenderit në fjalë kanë mospërputhje me njeri-tjetrin. Këto paqartësi shkaktojnë konfuzion te konkurruesit dhe çojnë në penalizmin e tyre, deri në mungesë të një gare sipas ligjit. “Pasi morëm në shqyrtim dokumentet e tenderit, kriteret e veçanta të kualifikimit dhe specifikime teknike, preventivin e punimeve, relacionin teknik dhe projektin teknik. Konstatojmë se ndër kërkesat dhe specifikat e parishikuara ka mospërputhje të ndryshme. Të cilat shkaktojnë konfuzion dhe paqartësi tek operatorët pjesëmarrës në momentin e ofertimit. Si dhe mund të sjellin hapësira interpretimi në momentin e vlerësimit”, shprehet Komisioni.
Në fund të vendimit, i kërkohet DPSHTRR që të rishikojë nga e para të gjitha dokumentet e tenderit dhe të bëjë modifikimin e tyre. Gjithashtu kërkohet që të bëhet rivlerësimi i ofertave.
Gonxhe është veteran i abuzimeve me fondet e prokuruara në çdo institucion që ka drejtuar. Këto ankesa që tregojnë mënyrën e shpërdorimit, do të qëndronin mirë edhe në ndonjë dosje të SPAK-ut, i cili ka detyrë hetimin e korrupsionit të zyrtarëve.
Lexo edhe: Biznesi i Gonxhes me kartat e Tahografit, tender 1.8 milionë euro duke manipuluar aplikimet
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post