Blendi Gonxhja ka lënë drejtor njeriun e duhur që vazhdon pazaret e tij me tenderat në Drejtorinë e Përgjithshme të Shërbimeve të Transportit Rrugor. Dhe duke pasur këtë mbështetje, Ilir Mëngra që mban këtë post, firmos tendera fiktivë pa iu dridur dora në favor të klientëve të vjetër.
Një nga këta klientë është edhe Artur Zeneli, pronari i firmës “VELMAR ALBANIA” SHPK, i cili së fundmi ka përfituar kontratën: Mirëmbajtja e pajisjeve sipas linjave të kontrollit teknik dhe tahografit”, me kohëzgjatje prokurimi është regjitruar 1 vit. Ky tender është njoftuar më 8 shtator 2025 dhe është mbyllur në 3 tetor.
Procedura është fiktive sepse në të marrin pjesë dy operatorë: fituesi dhe një kompani tjetër që paraqet ofertë zero lekë. Kompania “VELMAR ALBANIA” SHPK me NIPT K91624001G ka bërë ofertën me vlerë 21.935.000 Lekë pa TVSH, që është thuajse e barabartë me fondin limit të caktuar për këtë shërbim.
Kompania e dytë, “NAOL” SHPK është një subjekt që futet zakonisht në tendera të tillë pa paraqitur ofertë, por duke plotësuar numrin e pjesëmarrësve.
“Verifikohet dhe konstatohet se ky operator nuk ka paraqitur dokumentat e kërkuara sipas kritereve në DT dhe nuk ka paraqitur ofertë ekonomike. Ka paraqitur vetëm një dokument Ekstrakt i thjeshtë nga QKB. Për këtë arsye, operatori ekonomik skualifikohet”, deklaron komisioni i tenderit.
Pra, praktikisht tenderi është zhvilluar me një pjesëmarrës. Në këto kushte, duke parë edhe vlerë e ofertës së kompanisë tjetër (sa fondi limit) drejtori duhet ta anulonte tenderin në pritje të ofertave të përshtatshme në procedurën e rishpallur.
Por drejtor Mëngra ka vazhduar me shpalljen e fituesit.
“Velmar Albania” është një shoqëri e specializuar në kalibrimin e tahografëve, e cila ka ndërtuar një monopol duke u favorizuar nga zyrtarët e korruptuar të DPSHTRR. Pronari i saj, Artur Zeneli e bleu kompaninë për 54 mijë lekë në korrik 2013, nga zotëruesi i saj një shtetas maqedonas.
Zeneli i dha hov kompanisë duke marrë të gjitha kontratat e DPSHTRR dhe e ka katërfishuar xhiron. Ja një shembull se si rriten paratë në llogarinë e kompanisë. Blendi Gonxhe ka organizuar një tender në vitin 2022, që mban numrin e referencës REF-35818-07-07-2022 dhe ka si objekt “Mirëmbajtje e pajisjeve të testimeve të kontrollit teknik”. Bëhet fjalë për një procedurë prokurimi e cila ka si fond limit një vlerë të konsiderueshme prej rreth 400 milionë lekësh me TVSH.
Eksperienca me tenderat ka treguar se kur bëhet fjalë për mirëmbajtje, kryhen përgjithësisht edhe abuzimet më të mëdha me paratë e buxhetit.
VELMAR ALBANIA ka ofruar një ofertë prej 30,998,609 lekë të reja pa TVSH ose rreth 400 milionë lekë të vjetra me TVSH. Duke qenë e vetmja firmë e kualifikuar dhe në mungesë të konkurrencës, e ka patur të lirë rrugën të shpallet fituese e kontratës 400 milionë lekëshe.
Ky është favorizimi që i ka bërë Blendi Gonxhe kur ishte drejtor në këtë institucion. Tashmë biznesin e vazhdon për Gonxhen vartësi besnik Ilir Mëngra.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post