Ndërsa pak më parë Rama ka ironizuar Bashën duke thënë se ai nuk i bën si duhet llogarinë për koncesionet, ka ardhur menjëherë përgjigjja e kryedemokratiti. Basha i tha Ramës se, mburret me koncesione që janë pa vlerë dhe nuk ofrojnë shërbimet e duhura ndaj qytetarëve. Këtu ai u kap me koncesionin e Check-up, duke i thënë i thënë mes ironie se ky shërbim në Shqipëri i nxjerrë burrat shtatzënë dhe gratë me prostatë. “Jeton si Sheik. Tonin e zërit tim nuk e përcakton dot ti, po ul kokën e kërko falje. Për cilin Check-up flet, për atë që ka nxjerrë gra me prostatë e burra më barrë”, tha ai.
Basha i ka ashpërsuar edhe më shumë tonet ndaj Ramës, duke i treguar se ne jemi në vendin e dytë në botë për nivelin e ryshfetit, teksa i referohet Bankës Botërore. Basha teksa i drejtohej Ramës, i tha se nuk e shpëton dot as zoti, dhe duhet të dalë nga Kuvendi ku ka hyrë përdhunshëm duke kërkuar falje. Ai theksoi se 338 milionë që kanë humbur në arbitrazh, 120 mln euro vetëm për Becchetin.
“Të ra goja për inceneratorët, me ata që ndan paratë, ke gënjyer se the do marrin 9 milionë euro, do marrin 18 mln euro. Pse gënjen, nuk di shifrat? E ke vendin në pavionin e Petrelës, thuaj më fal që gënjeva, për shëndetësinë falas, për uljen e taksave, për uljen e çmimit të shportës, del këtu e mashtron prap. 338 milionë euro që ke humbur në arbitrazh, 120 mln për Becchetin, pse ke bllokuar komisionin hetimor, shqiptarët duhet ta dinë që është në Kushtetuese por s’duhet të ishte.
Kur 28 deputetë kërkojnë një komision hetimor, pse e shtyn vazhdimisht. Ti hallet e shqiptarëve nuk i ke pasur në defter, po hallet e oligarkëve. Të duke pllakë gramafoni Banka Botërore dhe BERZH-i. Nuk të shpëton dot zoti, Shqipëria e dytë në botë për nivelin e ryshfetit. Treguesi i korrupsionit 2021, midis Egjiptit dhe Zambias”, tha Basha. Sakaq, Basha tha se Rama ka bllokuar komisionin hetimor për faturat e Arbitrazhit. E.H/gijotina.com/
Discussion about this post