Tre shqiptarët që vranë një arkitekt italian gjatë grabitjes së shtëpisë së tij në muajin qershor kanë rënë në prangat e karabinierëve.
Ngjarja tronditëse ka ndodhur në shtëpinë e 50-vjeçarit Robereto Mottura në Piossasco, në Torino, nga ku ky i fundit humbi jetën.
Ndërsa ka folur për ngjarjen e tmerrshme, vëllai i viktimës tha se shpreson që autorët të marrin dënim maksimal.
“Ata duhet të kalben në burg. Vrasësit e vëllait tim janë arrestuar dhe tani shpresoj që të kalben në burg. Shpresoj vërtet që kjo histori ka marrë kthesë, që të bëhet drejtësi për familjen e vëllait tim, për prindërit dhe të gjithë ne. Këta muaj kanë qenë të tmerrshëm. Ata janë hajdutë, një grup hajdutësh të armatosur, që shkuan rreth e qark vendit. Ata vranë një person për të marrë katër objekte. E gjithë kjo është çmenduri”,- u shpreh vëllai i të ndjerit, Enrico Mottura./K.T/Gijotina.com
