Grabitën dy kasaforta në lagjen “Ali Demi”, arrestohet 27-vjeçari dhe shpallet në kërkim shoku i tij

Policia e Tiranës ka arrestuar një 27-vjeçar pasi akuzohet oër vjedhje. Mësohet se në pranga ka rënë Kristian Fusha, ndërsa është shpallur në kërkim bashkëpunëtori i tij, 23-vjeçari me inicialet M. N.

Të dy këta persona kanë vjedhur në bashkëpunim me njëri-tjetrin, më datë 14 korrik kanë vjedhur, në një banesë, në lagjen “Ali Demi”, 2 kasaforta me 100 000 lekë të rinj dhe mjete identifikimi.

Gjithashtu, rezulton se këta persona janë autorë edhe të disa vjedhjeve të tjera në banesa, për të cilat vijon puna, me qëllim dokumentimin e tyre me prova ligjore.