Janë identifikuar dhe arrestuar autorët vodhën nën kërcënimin e një arme lodër, një shumë parash në filialin e Postës Shqiptare, ngjarje e ndodhur 3 ditë më parë.
Burime nga policia për gijotina.com bëjnë me dije se u arrestua në flagrancë personi i identifikuar me iniciale R. S., 15 vjeç, banues në rrugën “Gani Kryeziu” dhe E. L., 17 vjeç, banues në rrugën “Ilmi Kolgjegja”.
Ngjarja
Grabitësit më datë 15.12.2021, rreth orës 09:15, të maskuar me kapuçët e xhupave që kishin veshur, kanë hyrë në filialin e postës Shqiptare në Babrru dhe nën kërcënimin e një arme lodër, kanë marrë 200.000 lekë dhe janë larguar me biçikleta.
Gjatë kontrollit të banesave të tyre janë gjetur e sekuestruar 160.500 lekë të rinj dhe një nga biçikletat e përdorura për t’u larguar nga vendi i ngjarjes.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Discussion about this post