Policia e Sarandës ka vënë në pranga dy organizatorët e vjedhjes me armë të noterit Thoma Kaçi në Sarandë, ngjarje kjo e ndodhur më 20 tetor të viti 2021.
Në prangat e policisë kanë përfunduar Samet Brahimi, 34 vjeç, banues në Shkodër dhe Ilia Mata, 29 vjeç, banues në Tiranë. Për ngjarjen në fjalë ndodhen të arrestuar dhe Oltjon Kolonja allias Oltjon Pula, Vladrias Himaj dhe Elis Avduli allias Mile Xhafa.
Ngjarja që tronditi Sarandën, ndodhi mëngjesin e 20 nëntorit, ku persona të maskuar e të armatosur grabitën noterin Thoma Kaçi. Sipas dosjes hetimore, noteri së bashku me bashkëshorten dolën mëngjesin e datës 20 nëntor nga banesa dhe po prisnin ashensorin. Në ato momente, pranë tyre u afruan dy persona të armatosur, të cilët e pyetën se nëse ai ishte Kaçi.
Më tej autorët i bënë të ditur se kanë një porosi për të kryer dhe për ta vrarë pasi noteri ishte në hasmëri. Dy personat futën nën kërcënimin e armës çiftin e bashkëshortëve në banesë, aty ku dhunuan burrin e më pas morën sasinë e parave. Të dyshuarit nuk e kanë pranuar asnjëherë akuzën.
Discussion about this post