20-vjeçari Algert Kurti i dyshuar si i përfshirë në grabitjen e postës të ndodhur pak ditë më parë në Kamëz, është dënuar nga Gjykata e Tiranës me masën e sigurisë “arrest me burg”. Mësohet se ai ka deklaruar që nuk ka qenë i përfshirë në grabitje, duke theksuar se Elis Suçi ka hartuar planin dhe më pas ka vepruar i vetëm.
Policia thotë se të dy, në bashkëpunim me njëri-tjetrin, të maskuar, grabitën nën kërcënimin e armës lodër, filialin e Postës Shqiptare në Kamzë, ku morën 100 mijë lekë dhe u larguan. Policia ka sekuestruar një aparat celular dhe veshje të cilat autorët dyshohet se i kanë përdorur gjatë kryerjes së krimit.
Discussion about this post