Një banesë në Memaliaj është vjedhur mëngjesin e sotëm. Mësohet se banesa është e Luan Goxhajt dhe ndodhet në lagjen nr.5. Komshinjtë kanë parë derën e dëmtuar si pasojë e vjedhjes dhe kanë lajmëruar policinë. Raportohet se pronarët e shtëpisë nuk kanë qenë në shtëpi në momentin që është kryer vjedhja, teksa nuk dihet ende se sa është sasia e parave apo sendeve me vlerë që grabitësit kanë marrë nga shtëpia e Luan Goxhajt.
Ky i fundit mësohet se është biznesmen, ndaj kjo ka bërë që të jetë në shenjestrën e grabitësve, të cilët nuk janë identifikuar ende. Mësohet se policia po punon për zbardhjen e rrethanave dhe vënien nën pranga të autorëve, për këtë grabitje në orët e para të mëngjesit.
Discussion about this post