Policia ka reaguar për lajmin se një farmaci në zonën e “Xhamllikut” në Tiranë, është grabitur me armë.
Policia bën me dije se lajmi është i pavërtetë dhe se xhami i jashtëm i farmacisë ka pasur vetëm ciflosje.
Shërbimet e Policisë kanë shkuar menjëherë në adresën e dhënë dhe nga verifikimet e kryera, ka rezultuar se është konstatuar një sferë e armëve me ajër e cila nuk ka tejshpuar xhamin.
Nga këqyrja e kamerave të sigurisë nuk është konstatuar asnjë person apo mjet që është afruar në drejtim të farmacisë.
Drejtoria Vendore e Policisë Tiranë kërkon mirëkuptimin e mediave dhe para se të publikojnë lajme të kërkojnë informacion pranë DVP Tiranë.
Discussion about this post