Gjimnazi i qytetit të Beratit “Babë Dudë Karbunara” është grabitur gjatë mbrëmjes së sotme. Grabitësit mësohet se kanë arritur të marrin 20 pajisje Ipad.
Hajdutët, pasi kanë thyer një xham, kanë arritur të hyjnë në ambjentet e gjimnazit dhe të marrin Ipadet, që ishin fshehur në një kasafortë.
Grabitësit janë pikasur nga roja i shkollës, që ka njoftuar policinë. Shkolla tashmë është nën mbikëqyrjen e policisë dhe pritet mbërritja e ekspertëve kriminalistik që do kryejnë këqyrjen e vendit të ngjarjes.
Gjimnazi “Babë Dudë Karbunara” është boshatisur në këta ditë, pasi po rindërtohet. Shumica e materialeve të shkollës janë hequr, e kasaforta do të largohej ditën e nesërme me vinç, për arsye të peshës së saj. Policia po punon për të zbardhur ngjarjen.
Discussion about this post