Aktorja Ida Di Benedetto dhe partneri i saj, ish-ministri Giuliano Urbani kanë rënë pre e një grabitjeje në shtëpinë e tyre në Napoli.
Sipas mediave italiane, ngjarja ka ndodhur mbrëmjen e së martës.
Grabitësit, pasi hynë në shtëpi, mbyllën Ida Di Benedetto dhe ish-ministrin e Trashëgimisë Kulturore dhe Aktiviteteve në një dhomë të banesës përpara se të bastisnin gjithçka gjetën, përfshirë celularët.
Si aktorja 78-vjeçare, ashtu edhe ish-ministri 86-vjeç mësohet se janë mirë.
Hetuesit nga Skuadra Fluturuese e Napolit dhe stacioni policor i San Ferdinando po punojnë për të hedhur dritë mbi ngjarjen dhe për të identifikuar përgjegjësit.
Discussion about this post