Grabitet me armë posta, ja sa para u morën

Një shqiptar dhe një italian janë vendosur në pranga nga policia italiane pasi akuzohen për grabitjen e një poste në Casalecchio.

Të arrestuarit janë një 30-vjeçar shqiptar me banim në Firence dhe një 46-vjeçar napolitan. Ngjarja ka ndodhur mëngjesin e djeshëm, pak pas hapjes së zyrave, kur dy grabitësit të maskuar dhe të armatosur kanë hyrë në ambiente, me qëllim që të zbrazin kasafortën.

Grabitësit nuk kanë arritur objektivin final, pasi nga posta kanë dalë me vetëm 1 450 euro, të cilat i morën nga arka.

Menjëherë pas ngjarjes, u njoftuan Karabinierët të cilët bënë të mundur edhe arrestimin e dy personave, të cilët u dërguan në burg me urdhër të Prokurorit Publik të Bolonjës.