Grabitet me armë pronari i servisit në Tiranë

Një grabitje nën kërcënimin e armës ka ndodhur pak më parë në zonën e Paskuqanit, në Tiranë.

Sipas burimeve policore,  autorët kanë qenë të armatosur me armë zjarri kallashnikov, ndërsa pre e grabitësve ka rënë pronari i një servisi automjetesh.

“Rreth orës 20:45, në rrugën ‘Demokracia’, Paskuqan 2, në një servis, dy persona ende të paidentifikuar, nën kërcënimin e armës i kanë vjedhur orën e dorës dhe varësen, pronarit të servisit, shtetasit Xh. Sh. Grupi hetimor po punon për sqarimin e rrethanave të ngjarjes dhe identifikimin e kapjen e autorëve”, njoftoi policia.

Sipas burimeve, se autorët kanë qenë me një mjet “Smart” dhe kanë ikur në drejtim të Durrësit. Policia ka ngritur pika kontrolli në hyrje dhe dalje të Tiranes dhe në disa zona të tjera.