Një supervjedhje ka ndodhur në Sarandë gjatë ditës së djeshme, ku mësohet të jetë vjedhur kasaforta e një supermarketi të madh në lagjen nr.4. Persona ende të paidentifikuar kanë hyrë nga pjesa e prapme e biznesit në fjalë dhe kanë arritur të çajnë e vjedhin kasafortën.
Sipas pronarëve, vjdhësit kanë arritur të marrin rreth 200 mln lekë të vjetra dhe DVR e kamerave të sigurisë. Policia prej ditës së djeshme po sekuestron kamerat e rrugëve kryesore dhe ato pranë vendit të ngjarjes.
Sipas pronarëve, ata kryejnë depozitime në bankë një herë në tre ditë ndaj edhe ka qenë kjo shumë e madhe në kasafortë. Deri më tani, policia nuk ka ende asnjë informacion për ndonjë autor të dyshuar.
Discussion about this post