I riu që mbrëmjen e së martës grabiti rreth 40 mijë lekë nga dyqani i një prej kompanive celulare në rrugën “Myslym Shyri” ka tentuar mbrëmjen e sotme të grabisë një tjetër dyqan, po të kompanive celulare.
Sipas raportimeve, me të njëjtën veshje (ngjyrë të kuqe) dhe me kapele në kokë, i riu është shfaqur në zonën e Kombinatit për të realizuar grabitjen e dytë brenda 24 orëve.
Por plani ka dështuar, ndërsa kamerat e sigurisë kanë fiksuar atë, teksa ndodhet në mjediset e dyqanit.
Policia ende nuk ka mundur të identifikojë të riun, ndërsa duket se në arkivën e saj do të shtohen fotot me pamjet nga dy dyqanet e dy kompanive celulare, njërën prej të cilëve arriti të marrë një shumë parash.
Policia njoftoi mbrëmjen e së martës se rreth orës 20:35, në rrugën “Myslym Shyri”, ka hyrë në një dyqan dhe duke i kërcënuar punonjësit me armë zjarri, grabiti xhiron ditore.
Discussion about this post