Policia e Dibrës ka bërë të mundur identifikimin dhe arrestimin e autori të vjedhjes së institucionin financiar në Peshkopi. Ky shtetas nën kërcënimin e një mjeti prerës mori një shumë prej 179.100 lekë të rinj në filialin Kredo.al, në qendër të qytetit të Peshkopisë. Policia ka lokalizuar autorin i cili raportohet se është shtetasit Jeton Bardhi, 27 vjeç, banues në fshatin Sinë, Dibër dhe e ka vënë atë në pranga. Materialet procedurale i kaluan Prokurorisë, për veprime të mëtejshme.
“Nga veprimet e kryera ka rezultuar se ky shtetas, i maskuar dhe nën kërcënimin e një mjeti prerës (thikë), ka marrë shumën 179.100 lekë të rinj në një institucion financiar” thuhet në njoftim.
Discussion about this post