Grabiti me dhunë para dhe një celular, arrestohet 25-vjeçari në Berat

Një 25-vjeçar ka rënë në prangat e policisë pas akuzave për vjedhje. Mësohet se 25-vjeçari F.S dyshohet se vodhi me dhunë një sasi lekësh dhe celularin e një shtetaseje. Policia bën me dije se grabitja ndodhi në lagjen “30 vjetori” , ku shtetasi në fjalë ka sulmuar një shtetase dhe u ka vjedhur objektet e lartpërmendura.
“I vodhi me dhunë një sasi lekësh dhe aparatin celular një shtetaseje, vihet në pranga 25-vjeçari.

Specialistët e Seksionit për Krimet në Komisariatin e Policisë Berat bënë arrestimin në flagrancë të shtetasit F. S., 25 vjeç, banues në Berat, pasi në lagjen “30 Vjetori”, në rrugë, i ka vjedhur me dhunë një sasi lekësh dhe një aparat celular shtetases M. G.”-njofton policia.