GJKKO ka dënuar me 11 vite burg Bardh Hotin apo i njohur ndryshe si Fatbardh Hoti apo Fatbardh Daci, pasi akuzohet si pjesë e një grupi grabitësish. Hoti u arrestua gjatë operacioni ‘Aquila 2019’ në maj të vitit 2019, si pjesë një grupi ‘skifterësh’ që vodhën më shumë se 60 banesa në Francë.
Hoti akuzohet se vodhi 150 mijë euro (70,000 € cash dhe sende me vlerë) në Francë. Bashkë me të u arrestuan edhe 7 shqiptarë të tjerë, nën akuzën e vjedhjeve me forcë të rreth 70 apartamenteve në Nancy të Francës.
Policia franceze zbuloi se për 3 muaj në vitin 2018, Bardh Hoti së bashku me grupin e hajdutëve kishin grabitur 60 shtëpi në qytetin e Nensit. Sipas të dhënave, ata mbështeteshin nga një familje nga Kosova, e cila bashkëpunoi me drejtësinë për zbulimin dhe arrestimin e plotë të “grupit të skifterëve”.
Këto vjedhje sipas autoriteteve franceze ishin kryer përgjatë tre muajve të fundit të vitit 2018. Grupi në fjalë u akuzua për kryerjen e veprave penale të “vjedhjes”, “pastrimi i produkteve të veprës penale” dhe “grupi i strukturuar kriminal”.
Discussion about this post