Policia e Tiranës ka arrestuar njërin prej autorëve të dyshuar të grabitjes me armë zjarri në argjendarinë në Paskuqan.
Në pranga ka rënëArgys Kalsi. Burime bëjnë me dije se autori i dyshuar është arrestuar në Qafë Thanë teksa po mundohej të largohej nga vendi.
Në momentin që ai ka tentuar të kalojë kufirin, Kalsi ështe arrestuar menjëherë nga blutë.
Në fakt, policia prej disa ditësh e kishte identifikuar të riun si autor i ngjarjes, por nuk e kishte arrestuar pasi e kishin ndjekur dhe përgjuar në mënyrë që të arrestojnë dhe autorin e dytë, për të cilin po punohet për identifikimin e tij.
Ngjarja
Ngjarja ndodhi më 5 gusht 2026, rreth orës 15:00, në një argjendari në Paskuqan.
Dy persona, të maskuar dhe me skafandra, hynë në argjendari dhe nën kërcënimin e armës së zjarrit morën bizhuteritë që ndodheshin në dyqan.
Pas grabitjes, autorët dolën me shpejtësi nga argjendaria dhe u larguan me motor.
Policia nisi ndjekjen dhe hetimet, ndërsa pamjet e kamerave të sigurisë u përdorën për të rindërtuar lëvizjet e tyre dhe për të identifikuar personat e përfshirë.
Discussion about this post