Policia e Lezhës ka reaguar në lidhje me grabitjen në një argjendari, që ndodhi shumë afër komisariatit.
Autori i grabitjes ka qenë 17-vjeçari K.N., i cili ka vjedhur bizhu që ndodheshin në vitrinë tek dera hyrëse e argjendarisë. Ai u konfliktua edhe me pronarin, i cili i cili është përpjekur ta ndalojë por nuk ka mundur pasi i mituri 17 vjeçar ka arritur të largohet me një motorr bashkë me bizhutë e vjedhura.
K.N. 17 vjeç, banues në Lezhë do të përballet me akuzën për veprën penale “Vjedhje me dhunë”.
“Ky shtetas, në një argjendari në qytet Lezhë, ka vjedhur bizhu që ndodheshin në vitrinë tek dera hyrëse, si dhe është konfrontuar fizikisht me shitësin e argjendarisë i cili është përpjekur ta ndalojë por nuk ka mundur pasi i mituri 17 vjeçar ka arritur të largohet me një motorr bashkë me bizhutë e vjedhura. Vijon puna për kapjen e tij”, njofton policia.
Materialet procedurale u referuan pranë Prokurorisë së Rrethit Gjyqësor Lezhë për veprime të mëtejshme.
Discussion about this post