Dëshmitarë të grabitjes së filialit në Koplik kanë qenë vetë policët. Kamerat e sigurisë kanë kapur momentin kur makina e policisë bashke me policët ishte shumë pranë filialit në momentin që po ndodhte grabitja.
Megjithatë ata nuk kanë reaguar as nuk kanë lëvizur derisa autorët janë larguar me lekët e vjedhura nga filiali, pasi kërcënuan me armë punonjës të maskuar me maska.
E vetmja gjë që bën makina e shtetit është një manovër për të bllokuar rrugën, por as për këtë gjë nuk ia del dot.
Mjeti ndalon dhe rruga mbetet e lirë për tre grabitësit që sot u vunë në pranga, Bekim Gurraj, Armir dhe Admir Shabaj. Për këtë pjesë e mungesë reagimi, Policia e Shtetit nuk ka dhënë asnjë detaj. E vetmja gjë që është raportuar nga mediat ditën e grabitjes, më 9 maj, ishte përballja me një efektiv policie.
Por, kur shohim këto pamje ngrihet pikëpyetja: A do të mund të ishin ndaluar grabitësit nëse efektivët do të kishin reaguar në kohë?
Discussion about this post