Është zbardhur dëshmia e plotë e 20-vjecarit Algert Kurti i cili ka rënë në pranga pasi akuzohet se është autori i grabitjes së postës në Kamëz, sëbashku me Elis Suçin, aktualisht në kërkim.
Para policisë, Kurti është shprehur se ideja për grabitjen e postës ka qenë e Suçit, dhe lekët nuk i ka marrë ai. Sipas tij, ai thjesht ka pasur dijeni për ngjarjen dhe pas grabitjes, nuk ka folur më me Suçin.
“Po qëndroja para gjimnazit të Kamzës. Elisin e gjeta aty tek posta dhe kishte vëzhguar lëvizjet e punonjësve të postës. Kur shkova ta takoj me tha që do grabisim postën. Unë nuk kam marrë lekë, dhe ku Elisi ka hyrë brenda për të kryer grabitjen unë po prisja jashtë. Kemi qenë në këmbë jo në makinë. Në momentin që Elisi ka dalë jashtë, kalova në krahun tjetër të rrugës nga ana e gjimnazit. Më vonë kam shkuar në Institut për të lënë një porosi tek një miku im. Nuk kam takuar më me Elisin dhe nuk kam folur me të. Thjesht kam pasur dijeni për këtë ngjarje” mësohet të jetë shprehur i riu.
Discussion about this post