Grabitet me armë zjarri një pikë këmbimi valutor brenda qendres tregtare në Tiranë

Një pikë e këmbimit valutor në zonën e ‘5 Majit’ është grabitur mëngjesin e kësaj të enjte.

Sipas informacioneve në media, një person ende i paidentifikuar ka mësyrë brenda pikës së këmbimit, e cila ndodhet në një qendër tregtare në këtë zonë dhe nën kërcënimin e armës ka marrë një shumë të konsiderueshme parash.

Mësohet se grabitësi ka arritur të marrë 1.2 milionë lekë të vjetra.

Në vendngjarje ka mbërritur policia, ndërsa akoma nuk dihet shuma që ka marrë. Grabitësi pasi ka marrë paratë është larguar me vrap.

Njoftimi i policise

Tiranë/Informacion paraprak

Rreth orës 09:10, në rrugën “5 Maji”, një shtetas ende i paidentifikuar, nën kërcënimin e një sendi në dukje armë zjarri (pistoletë), ka vjedhur një shumë parash në një pikë këmbimi valutor brenda një qendre tregtare dhe është larguar nga vendi i ngjarjes.

Menjëherë pas marrjes së njoftimit, shërbimet e Policisë kanë shkuar në vendngjarje, kanë bërë rrethimin e zonës dhe kanë ngritur pika kontrolli në akset rrugore përreth.

Shërbimet e Policisë po krehin zonën dhe po vijojnë kontrollet me qëllim kapjen e autorit.

Ndërkohë, grupi hetimor po punon për sqarimin e plotë të rrethanave të rastit.