Dy vëllezër janë arrestuar nga policia e Tiranës pasi rezultonin të shpallur në kërkim nga autoritetet italiane për veprat penale të grabitjes me armë dhe rrëmbimit të paligjshëm. Shtetasit e arrestuar janë Bashkim Hoxha (alias Bashkim Kothere), 35 vjeç dhe Oltion Hoxha, 32 vjeç, të dy banues në Tiranë.
Policia po vijon procedurat për ekstradimin e dy vëllezërve, në Itali.
Njoftimi i policisë
Shërbimet e Seksionit të Kërkimit në DVP Tiranë, në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e dy shtetasve në kërkim (vëllezër) kanë organizuar dhe finalizuar operacionin policor të koduar “Brothers”.
Gjatë operacionit, shërbimet e Seksionit të Kërkimit kanë kapur në zonën e Kisnostudios dhe në zonën e Freskut, shtetasit B. H. alias B. K., 35 vjeç, dhe O. H., 32 vjeç, të dy banues në Tiranë, të cilët u arrestuan me qëllim ekstradimin drejt Italisë.
Këta shtetas ishin shpallur në kërkim ndërkombëtar, pasi Gjykata e Savona, Itali, iu ka caktuar masën e sigurisë “Arrest në burg”, për veprat penale “Grabitja me armë” dhe “Rrëmbimi i paligjshëm” parashikuar nga Kodi Penal italian.
Discussion about this post