Futbollisti shqiptar Myrto Uzuni është pa dyshim lojtari më i mirë i momentit në ekipin spanjoll të Granadës si dhe më i dalluari në La Liga SmartBank (kategoria e dytë e futbollit në shtetin iberik). Ai udhëheq listën e golashënuesëve në kampionat, me 15 gola të realizuar dhe për këtë ka disa skuadra që mund të jenë të interesuara për të marrë shërbimet e tij.
Sulmuesi i Kombëtares shqiptare ka një kontratë me Granadën, pas rinovimit të tij të fundit, që e lidhe me këtë klub deri në 2026-ën.
Klauzola e ndërprerjes së kontratës është 12 milionë euro, por kjo nuk është e vetmja pjesë, pasi nëse skuadra e tij do të ngjitet në La Liga, kjo klauzolë do të shkojë deri në 25 milionë euro.
E ardhmja e tij mund të përfshijë largimin nga Granada dhe bashkimin më një ekip tjetër me muskujt më të mëdhenj ekonomikë. Megjithatë, është e nevojshme të bëhet dallimi midis klauzolës dhe vlerës së tregut, e cila është disi më subjektive.
Ekspertët e futbollit në Spanjë tregojnë se mund të jetë rreth 7 milionë dhe se mund të jetë akoma më e lartë nëse ai vazhdon të tregojë performanca të mira. Në çdo rast, kushdo që dëshiron të ketë shërbimet e shqiptarit duhet të paguajë një shumë të konsiderueshme.
Ky futbollist është një nga asetet kryesore të klubit. Uzuni ka shënuar 14 gola në shtëpi dhe këtë fundjavë që kaloi gjeti rrjetën e parë në transfertë. Ai ka formuar një dyshe të fortë me ish-lojtarin e Real Madridit, Jose Maria Callejon.
Granada aktualisht renditet e pesta me 44 pikë, tre më shumë se Levante e dyta që ngjitet direkt dhe pesë pikë larg kreut që deri trani është pronë e Las Palmasit. Për momentin, ashtu siç është shprehur edhe në prononcimet e fundit, Uzuni është i fokusuar tek ekipi i tij dhe dëshira është që të ngjitet në La Liga.
Discussion about this post