Një granatë e cila dyshohet se i përket Luftës së Dytë Botërore, është gjetur ditën e sotme pranë shkollës 9-vjeçare të fshatit Mengël në Labinot Fushë të Elbasanit.
Burimet për median bëjnë të ditur se deri më tani forcat xheniere nuk kanë ardhur për të bërë çmontimin e predhës.
Mësohet se forcat xheniere do të vijnë ditën e nesërme për çmontimin e saj. Ende nuk dihet se sa e ndjeshme është predha, teksa banorët e zonës qëndrojnë me frikë.
Po ashtu kujtojmë që pak kohë më parë u gjet një tjetër granatë në shtratin e lumit Mat. Granata është pikasur në afërsi të Klsoit nga banorë të zonës. Stacioni i Policisë se Shtetit në qytetin Klos, mori në ruajtje armen deri në demontimin e saj.
Discussion about this post