Futbollisti shqiptar që aktivizohet me kombëtaren e Zvicrës, Granit Xhaka ka refuzuar vaksinimin anti-covid. Shumë prejt tifozëve e konsiderojnë sjelljen e tij aspak të hijshme teksa do të mungojë për helvetët në kualifikueset e botërorit pikërisht se është i infektuar me covid.
Presidenti i Federatës Zvicerane, Dominik Blank ka reaguar për episodin në fjalë.
“Ky është një vendim shumë personal. Të gjithë në Zvicër kanë të drejtën të vendosin vetë dhe kjo vlen edhe për kapitenin e përfaqësueses tonë. Ai ka zgjedhur që të mos vaksinohet dhe ne e respektojmë këtë vendim, edhe pse si Federatë këshillojmë vaksinimin e të gjithë anëtarëve tanë.
Është e drejta e çdo personi në Zvicër të vendosë nëse dëshiron të vaksinohet apo jo. Graniti është kundër dhe ka marrë akuza nga të gjithë, akuza që më pas degjeneruan në kërcënime dhe fyerje. Nuk e pranojmë dhe nuk e tolerojmë. Në mbështetim respektin dhe tolerancën, këto janë vlerat thelbësore të Federatës tonë. Ftojmë dhe i kërkojmë të gjithëve të respektojnë dhe të tolerojnë këtë vendim personal të Granit Xhakës dhe të çdo personi tjetër në vendin tonë”, tha Blank.
