Futbollisti Granit Xhaka ka vendosur të ‘gdhendë’ në trup emrin e vogëlushes së tij të sapolindur.
Përmes një videoje të publikuar në Instastory, ylli i Arsenalit ka ndarë me të gjithë tatuazhin e ri në krah, emrin e vajzës së tij, Laneya.
Granit Xhaka dhe bashkëshortja e tij, Leonita, u bënë prindër për herë të dytë në prill të këtij viti me një vajzë.
Origjina e emrit Lanyea nuk është e ditur, por përdoret në mbarë botën dhe thuhet se ky emër frymëzon gjallëri, këmbëngulje dhe bujari. Në muajin janar Granit Xhaka dhe bashkëshortja e tij, Leonita, zbuluan se së shpejti do të bëheshin prindër për herë të dytë.
