Granit Xhaka tund rrjetën Suedisë, Zvicra shumë afër Botërorit

Kombëtarja e Zvicrës ka marrë edhe fitoren e tretë radhazi në kualifikimet e Kupës së Botës, duke mposhtur në udhëtim Suedinë.

“Helvetikët” zhvilluan një tjetër paraqitje të shkëlqyer për të fituar me rezultat 0:2. Zvicra ka kaluar në epërsi ndaj Suedisë me mesfushorin shqiptar Granit Xhaka që shënoi për “Helvetikët” nga pika e bardhë pasi Alexander Bernhardsson shkaktoi 11-metërsh me një ndërhyrje të panevojshme brenda zonës. Zvicra merr avantazhin pas 65 minutave lojë.

Suedia kishte rastet më të mira në pjesën e parë ndaj Zvicrës, por që Bergvall dhe Isak dështuan të shënojnë nga afërsia.

Zvicra ishte më kërkuese pavarësisht që kishte avantazhin, kurse çështjen e fituesit e vulosi krejt në fund përmes të inkuadruarit Manzambi (90+4’).

Me këtë fitore, Zvicra mbledh nëntë pikë në grupin B, pesë mbi Kosovën derisa Suedia renditet e fundit me një pike.

gijotina.com/