Marrëdhënia e Fifit dhe Granitit ka qenë në qendër të vëmendjes ditën e sotme nga banorët e shtëpisë së “Big Brother”.
Ata patën një diskutim me ish-futbollistin, i cili nuk përfundoi shumë mirë, pasi ky i fundit vendosi në heshtje të bëjë gati valixhet dhe të kërkojë daljen nga shtëpia.
Pas debatit, banorët vazhduan ende të flasin në lidhje me këtë temë. Madje Arditi, gjatë bisedës tregon disa informacione që sipas tij janë të vërteta.
Ai deklaroi se si pasojë e njohjes së mëparshme të Granitit ka informacione se ai është në një lidhje jashtë shtëpisë.
“Unë me aq sa e njoh di që është në një lidhje jashtë, dhe mendoj se prej kësaj kanë ardhur dhe gjithë gjërat e tjera“- tha ai.
I pyetur nga banorët se pse nuk e ndihmoi Fifin për t’ia sqaruar këtë gjë, ai u përgjigj:
“Nuk ishte përgjegjësia e ime, nuk mund të flas për njerëz të tretë. Me aq sa e njoh Granitin këtë informacion kam, qofsha i gabuar.”
Rikujtojmë se Graniti ka rrëfyer edhe historinë e ish-partneres së tij, duke treguar që është ende i dashuruar me të.
Discussion about this post