Një shkrim i dyshimtë është shpërndarë nga kryeministri Edi Rama, i cili kishte si burim “eKathimerin”, version anglisht të një prej mediave më prestigjoze në Greqi. Shkrimi, i cili është një nga propagandat e radhës nuk ka si burim kryesor median greke por një tjetër shtet, i cili nuk është as në një kontinent me Shqipërinë, por në Azi.
Bëhet fjalë për Kinën. Lajmi del që ka si burim një agjenci kineze, më konkretisht versionin anglisht të saj. Madje kjo agjenci ka holumtuar aq thellë sa dhe kanë gjetur një burim zyrtar dhe të besueshëm; Institutin e Statistikave (INSTAT). Po përse duhet që fqinjët tanë jugor, grekët, të shkojnë deri në Kinë për të marrë një artikull për Shqipërinë, që ka të dhëna shqiptare. E që më pas bëhet ‘tërkuzë’ në Shqipëri dhe reklamohet me krenari nga Edi Rama.
Veçse, nuk është sqaruar, tek këta shtetas grekë janë përfshirë shqiptarët e kthyer në helenë, e që janë pajisur me dokumenta në shtetin fqinjë. Megjithatë me rëndësi është që na ka dalë ‘zëri’ për mirë deri në Kinë. Hulumtojnë dhe bëjnë dy rreshta artikull për turizimin tonë.
ARTIKULLI I PLOTË:
Pothuajse 200,000 qytetarë grekë vizituan Shqipërinë në gjysmën e parë të këtij viti, duke qenë pjesë e më shumë se 2.5 milionë shtetasve të huaj që vizituan vendin ballkanik në vitin deri në fund të qershorit. Shifra e përgjithshme e mbërritjeve është 51,3% më e lartë se në të njëjtën periudhë të vitit 2021, tha në një raport të hënën Instituti i Statistikave të vendit (INSTAT). Vetëm në qershor, 876,056 vizitorë të huaj mbërritën në vend, një rritje prej 45% nga viti në vit.Rritja më e madhe në bazë vjetore është regjistruar për shtetasit grekë, në masën 410%, pasi 199,943 prej tyre kanë vizituar Shqipërinë në periudhën janar-qershor të këtij viti, sipas raportit, pas kufizimeve të vitit të kaluar për Covid.
Discussion about this post