Ish-emisari i SHBA-së për dialogun Kosovë-Serbi, Richard Grenell ka komentuar zhvillimet e fundit, duke thënë se dhuna e ditëve të fundit në veri të Kosovës është e papranueshme. Grenell ka fajësuar qeverinë e Albin Kurtit për tensionet e krijuara në veri, por nuk ka përmendur barrikadat e vendosura nga grupe të dyshimta kriminale, të cilat dhe kanë sulmuar gazetarë e policë e së fundmi kanë shtënë edhe pranë patrullave të KFOR-it.
Po ashtu Grenell i ka kërkuar Sekretarit të Shtetit, Antony Blinken që të vendosi disa kërkesa Kurtit, që kanë të bëjnë me lirimin e të burgosurve serbe.
Postimi i Plotë:
Dhuna e fundit në Kosovë është e papranueshme. Albin Kurti vazhdon veprimet e tij të njëanshme në veri në kundërshtim me marrëveshjet ndërkombëtare, Anthony Blinken duhet të kërkojë që Kurti të lirojë të burgosurit serbë dhe të përmbahet nga arrestimi i protestuesve paqësorë dhe të ndalojë dërgimin e forcave speciale në veri – ndërsa duke kërkuar në të njëjtën kohë heqjen e barrikadave. E gjithë kjo duhet të bëhet në të njëjtën kohë.
Discussion about this post