Spitalet greke janë lehtësuar nga pacientët me Covid dhe ngarkesa është shumë larg asaj që shoqëroi vendin në muajt e dimrit dhe dy muajt e parë të pranverës.
Megjithatë, autoritetet mbeten në alarm për shkak se numri i rasteve të reja ditore mbetet ende në nivele të larta.
Në 24 orët e fundit, Greqi numëron 2433 të infektuar të rinj. Pjesa më e madhe e tyre janë regjistruar në Athinë dhe Selanik, ndërsa rritje shqetësuese e përhapjes së virusit është vënë re edhe në Larisa dhe Volos.
50 persona humbën jetën po në këtë interval kohor, duke e çuar numrin total të viktimave që prej nisjes së pandemisë në 11 mijë e 872 vetë.
Autoritetet greke thonë se 95.1 për qind e viktimave janë mbi 70 vjeç, ose me sëmundje shoqëruese të rënda.
