Një avion është rrëzuar në aeroportin e Heraklion në Greqi mbrëmjen e sotme. Raportohet se avioni dymotorësh, është dëmtuar rëndë gjatë uljes së tij në aeroport.
Sipas informacioneve bëhet me dije se, avioni “Bombardier CL-600-2B16 Challenger 604”, i kompanisë Volare Aviation, kryente një linjë nga Britania në Kretë dhe konkretisht në aeroportin e Heraklion.
Pak sekonda pas uljes, pjesa përpara e avionit u rrëzua, duke bërë që ai të zvarritet në pistë. Ekuipazhi ka reaguar me qetësi, avioni është imobilizuar pa asnjë problem tjetër, ndërsa asnjë nga shtatë pasagjerët në bord nuk është lënduar.
Mjetet e Shërbimit Zjarrfikës të Aeroportit janë gjetur menjëherë në vendngjarje, por pa pasur nevojë të ndërhyjnë.
Discussion about this post