Policia greke ka arrestuar në kufirin me Shqipërinë, dy persona, njërin grek dhe tjetrin shqiptar.
Mediat helene shkruajnë, se policia i ka ushtruar kontroll dy automjeteve, e brenda tyre janë gjetur 2 çanta të mbushura me marjuanë.
Sasia e saktë e sekuestruar është 31 kg e 300 gramë hashash, ndërsa janë konfiskuar edhe 3 celularë, 100 euro dhe 6000 lekë të reja shqiptare.
Sakaq kujtojme se vetëm pak ditë nga finalizimi i megaoperacionit ndërkombëtar ku bashkëpunuan disa shtete mes Shqipërisë edhe Gjermania dhe Spanja, detaje të reja kanë dalë në dritë lidhur me aksionin “DOBRA”.
Kreu i klanit shqiptar të drogës në Spanjë është identifikuar si Stefan Currin, me origjinë nga Puka, i cili theksojmë sërish se është bosi i grupit të narkotrafikut, nga i cili janë arrestuar tashmë 107 persona gjatë një operacioni që përfshiu autoritetet e zbatimit të ligjit në Spanjë, Gjermani dhe Shqipëri.
Sipas hetimeve Curri me lidhjet e tij rekrutonte ushtarë kryesisht nga zona Pukë dhe Mirditë u paguante avionin duke i ftuar si turist dhe ktheheshin në punëtorë e roje.
