Greqia pritet të shpallë nesër paketën e ndihmës sociale, në kuadër të rritjes së çmimit të karburanteve dhe produkteve ushqimore për shkak të luftës Rusi-Ukrainë.
Mediat fqinje shkruajnë se qytetarët grekë do të regjistrohen në platforma online për të marrë rimburism për karburantin dhe energjinë elektrike.
Ideja kryesore e ndihmës sociale është që konsumatorët të paguajnë shumën përfundimtare në pikën e karburantit dhe me faturën të hyjnë në platformën elektronike që do të lançohet, për të marrë shumën që do të kenë të drejtë si rimbursim.
Subvencioni i dytë i rëndësishëm do të jetë ai për energjinë elektrike dhe gazin, i cili tashmë do të ketë të nisë që nga muaji prill. Rimbursimi për familje, nga 39 euro për një familje sot, do të shkojë mbi 50, në intervalin 52-53 euro. Ndërkohë për personat me të ardhurave të ulëta, qeveria do t’i mbështesë me 250 deri në 300 euro për person. Parlamenti grek pritet të miratojë nesër paketën sociale 2 miliardë euro.
Ndryshe nga qeveria greke apo vendet e rajonit që po ndërmarrin masa konkrete, qeveria Rama ka krijuar një bord me të njëjtët oligarkë të cilët rritën çmimin e naftës në shifra stratosferike. Ndonëse ditët e fundit nafta në bursa ka rënë djeshëm, duke shkuar në 97 dollarë fuçia, në vendin tonë ulja po reflektohet shumë ngadalë.
Edhe pse është kërkuar vazhdimisht nga qytetarët që të hiqen taksat e naftës, Rama është treguar i prerë se një gjë e tillë nuk ka për të ndodhur, dhe në vend të saj shpiku një Bord më menaxhimin e çmimit të naftës, që ende vijon të jetë shumë i lartë në 203 lekë për litër.
Discussion about this post