Policia e Trikallës i dha fund aktivitetit të hajdutëve që kishin plaçkitur banesat si në qytetin e Trikallës ashtu edhe në atë zonë.
Sipas informacioneve të Trikalanews.gr, hajdutët janë kapur “në flagrancë” në tentativën e tyre për të plaçkitur një shtëpi në Trikala.
Bëhet fjalë për një grek dhe një shqiptar, rreth 30 vjeç. Nga hetimet e policisë rezultoi se muajt e fundit dy të rinjtë bënin punë “të arta” pasi kishin hapur të paktën 8 shtëpi të tjera, nga të cilat kishin “tërhequr” para, bizhuteri, sende të ndryshme me vlerë, madje edhe pajisje elektrike! Dhe plaçka e tyre llogaritet të arrijë në 20 mijë euro.
Për çështjen, e cila tashmë do të marrë rrugën e drejtësisë, pritet një njoftim zyrtar nga Drejtoria e Përgjithshme e policisë së qarkut të Thesalisë, ndërkohë që vijojnë hetimet e policisë për të përcaktuar nëse të rinjtë janë të përfshirë në veprime të tjera të ngjashme.
Discussion about this post