Është konfirmuar rasti i parë me variantin e ri të Covid, Omicron në Greqi. Lajmin e bëri të ditur ministri i Shëndetësisë në Greqi, Thanos Plevris, gjatë marrjes së masave për vaksinimin e moshave mbi 60 vjeç.
Bëhet fjalë për një burrë me origjinë greke, banues i përhershëm në Johanesburg, i cili ka udhëtuar me avion nga Afrika e Jugut dhe ndodhet në Kretë. Siç theksoi Plevris, ka nisur një gjurmim i detajuar i kontakteve të tij dhe ai është izoluar.
Presidenti i EODY, Theoklis Zaoutis sqaroi se pacienti ka mbërritur në Kretë më 26 nëntor dhe i është nënshtruar një testi të shpejtë në aeroport, i cili rezultoi negativ. Por më pas ai filloi të shfaqte simptoma të lehta, si rezultat i të cilave iu nënshtrua një testi të shpejtë të përditshëm, i cili rezultoi pozitiv më 29 nëntor.
Testi PCR që pasoi, dha rezultate të dyshimta për mutacionin Omicron, i cili u konfirmua mëngjesin e sotëm. Ai theksoi gjithashtu se gjurmimi i kontakteve të tij ka përfunduar dhe të gjithë personat e lidhur me pacientin kontrollohen çdo ditë me analiza. Mësohet se, pacienti i cili qëndron në karantinë, ka ende simptoma të lehta.
Discussion about this post