Armand Nuraj është i burgosuri shqiptar që u gjet i pajetë në qelinë e Malandrinos në Greqi, në orët e para të mëngjesit të 1 dhjetorit.
37-vjeçari shqiptar u gjetur i vdekur brenda qelisë në burgun e Malandrino ku po vuante dënimin në Greqi.
Në orët e para të mëngjesit të datës 01.12.2024, u gjetën pa shenja jete nga rojet e burgut në Malandrino, dy shtetas (në të njëjtën qeli), njëri nga të cilët, shtetasi shqiptar Armand Nuraj, dtl. 06.07.1987, lindur në Fier.
Ky shtetas ishte duke vuajtur dënimin për trafikim të lëndëve narkotike. Edhe pas ndihmës të dhënë, shtetasi shqiptar nuk arriti të mbijetonte,
Aktualisht, nuk ka të dhëna për ndonjë ngjarje kriminale, por gjithsesi autoritetet lokale të policisë janë duke kryer hetime.
Mediat greke raportun se rojet e burgut gjetën më 1 dhjetor dy të burgosur të rrëzuar përtokë, 37-vjeçarin shqiptar dhe një 38-vjeçar grek. Në fillim rojet dyshuan se të burgosurit kishin humbur ndjenjat. Por pas ekzaminimit nga mjekët e burgut u konstatua se 37-vjeçari shqiptar kishte ndërruar jetë, ndërsa 38-vjeçari u dërgua me autoambulancë në spitalin e Amfisës.
Pasi iu dha kujdesi i nevojshëm mjekësor 38-vjeçari u rikthye në qelinë e burgut.
Discussion about this post