Greqia ka regjistruar 1, 305 raste të reja nga Covid-19 në 24 orët e fundit, rreth 800 më pak se një ditë më parë.
Alarmante mbetën shifrat e fataliteteve pasi 33 pacientë kanë humbur jetën së fundmi.
Gjithashtu 348 pacientë janë të intubuar duke shtuar dhe një stres në spitalet greke.
Ndërsa ditën e djeshme, Greqia ka regjistruar 2,190 raste të reja në 24 orët e fundit, ndërkohë që 37 qytetarë humbën betejën me virusin.
Siç mund të shihet, duke krahasuar të dyja ditët, rastet e të infektuarve kanë rënë me 885, ndërsa tek personat që kanë humbur jetën ka rënë me 4.
Greqia pavarësisht vijimit të vaksinimit me prodhime të certfikuara nga EMA, nuk ka përjashtuar që këtë vjeshtë-dimër të rikthejë masat kufizuese.
