Një 21-vjeçar shqiptar ka aksidentuar orët e vona të së shtunës një postier në Selanik.I riu shqiptar mësohet se po ecte me shpejtësi marramendëse duke mos respektuar rregullat e qarkullimit rrugor.
21-vjeçari shqiptar po udhëtonte pa patentë siç kanë thënë fqinjët e tij, kjo për faktin se ai nuk di të shkruajë greqisht dhe për këtë arsye nuk mund t’i kalojë provimet që duhen për të marrë lejen e drejtimit.
Makina që ai drejtonte ishte në emrin e xhaxhait të tij. Shqiptari jetonte me familjen. Të gjithë e siguronin jetesën duke mbledhur hekurishte në një triçikël, hekur të cilin e shisnin.
21-vjeçari është babai i dy fëmijëve ndërsa nga fqinjët mësohet se e siguronin jetën me shumë vështirësi.
Hetimet paraprake për aksidentin automobilistik po bëhen nga policia e Nëndrejtorit të Qarkullimit të Selanikut. Ndërkohë mëngjesin e sotëm është përcjellë për në banesën e fundit 47-vjeçari, që humbi jetën në aksidentin rrugore.
