Greqia ka marrë masat e nevojshme pas deklaratës së presidentit turk Rexhep Taip Erdogan, se do të hapë portat për refugjatët.Ministria e Mbrojtjes Kombëtare në Greqi duket se po organizohet duke i paraprirë gjithçkaje mund të ndodhi.
“Nëse Turqia hap kufijtë, nuk e di çfarë do të ndodhë me Greqinë”, deklaroi Erdogan.
Mësohet se është zhvilluar një takim i jashtëzakonshëm me Shefat e Shtabit të Greqisë në Pentagon. Shefat e Shtabit të Përgjithshëm vendosën për rritjen e gatishmërisë së Forcave të Armatosura, ndërsa dhanë udhëzime të veçanta për raportim të menjëhershëm të incidenteve nga njësitë kufitare.
Në këtë takim Shefi i Shtabit të përgjithshëm gjeneral Konstantinos Floros , vuri theksin tek një sërë masash , fokusi i të cilave ishte rritja e sigurisë së kufirit në verilindje të vendit.
“O Greqi! Këta njerëz nuk do qëndrojnë aty. Pse bezdisesh? Do kalojnë dhe do shkojnë në një tjetër vend europian. O Greqi, të bëj thirrje të hapësh dyert e të heqësh këtë barrë nga vetja. Lëri të shkojnë në vendet e tjera të Europës”, -është shprehur Erdogan.
Presidenti i Turqisë niset nesër për Bruksel, ku do të zhvillojë disa takime e diskutime me autoritetet e BE-së për çështjen e refugjatëve, ku shpreson se do ketë të tjera rezultate në negociatat e reja, pasi siç theksoi nuk mori mbështetjen e pritur nga ndërkombëtaret.
Erdogan kërkon rishqyrtim të Deklaratës së Përbashkët për Refugjatët të vitit 2016. Siç i ka bërë të qartë kancelares Merkel në një bisedë telefonike dhe shprehu hapur dhe sot në Stamboll, marrëveshjet e mëparshme nuk kanë më vlerë.
Discussion about this post