Qeveria greke ka vendosur të shtyjë deri më 7 shkurt masat kufizuese për emigrantët shqiptar që kërkojnë të hyjnë në tokën helene. Lajmin e ka bërë të ditur Ministria e Jashtme përmes një njoftimi publik, ku theksohet se të gjithë shqiptarët që do të duhet të udhëtojnë në drejtim të Greqisë këtë periudhë pavarësisht kombësisë, pavarësisht nëse janë të vaksinuar ose kanë qenë të diagnostikuar me COVID-19 duhet të kenë një test negativ PCR kryer brenda 72 orëve, përpara udhëtimit.
Përveç testit PCR për hyrjen në vendin fqinj shqiptarët mund të përdorin edhe test të shpejtë antigjenik, kryer brenda 24 orëve para udhëtimit. Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike https://travel.gov.gr, me të dhënat e tyre të kontaktit në Greqi, përpara mbërritjes. Më tutje theksohet se masa vlen për të rriturit dhe fëmijët mbi 5 vjeç, pavarësisht nga vaksinimi.
Discussion about this post