Rajoni i Evias në Greqi është goditur nga një valë tërmetesh me magnitudë mbi 4 ballë. Lëkundjet u shënuan rreth orës 06:32 të mëngjesit dhe janë ndjerë dhe në Atikë.
Tërmeti i parë u shënua pak pas orës 6:30 dhe është ndjerë veçanërisht në Atikë. Sipas Institutit Gjeodinamik, tërmeti ishte me magnitudë 4.8 Rihter dhe epiqendra e tij ishte Evia.
Tërmeti ka ndodhur në orën 6:32 me qendër 9 km në juglindje të zonës Zarakes. Tërmeti kishte një thellësi lokale prej vetëm 13.3 km dhe për këtë arsye u ndje veçanërisht në disa zona.
Pak minuta pas tërmetit 4.8 Rihter, pasoi një tërmet 3.2 Rihter me qendër në të njëjtën zonë. Deri më tani nuk ka raportime për dëme materiale apo persona të lënduar.
Discussion about this post