Disa muaj më parë kontrollorët e trafikut ajror në Rinas zhvilluan një grevë disa ditore për shkak të trysnisë në punë.Tre nga grevistët u arrestuan dhe do të dalin paragjykatës për t’u përgjigjur mbi akuzën e “pengimit të qarkullimit te mjeteve ajrore”, që rëndon mbi ta.Për këtë vepër penale tre shtetasit e arrestuar rrezikojnë deri në tre vite burg sipas asaj që ligji parashikon në këtë rast.
Prokuroria e Tiranës pas përfundimit të hetimeve dërgoi për gjykim tre ish-punonjësit e Kontrollit të Trafikut Ajror në Rinas Armando Fezga, Flora Ndreca dhe Muhin Mezini që do të gjykohen për akuzën e “pengimit të qarkullimit të mjeteve ajrore”.
Pokuroria e çështjes ishte Marjeta Zaimi, e cila ka dërguar dosjen në gjykatë për seancë paraprake.
Tre kontrollorët u vunë në pranga që në muajin prill të këtij viti pas një greve disa ditore pasi shpallën ‘paaftësi’ për punë për shkak të stresit të krijuar dhe përgjysmimi i pagave të tyre. ata nuk kanë pranuar se kanë organizuar grevë duke i qëndruar pretendimit se në kushte stresi nuk punonin dot.
Në atë kohë, Rezart Kthupi, avokati Sindikatës së Pavarur të Kontrollit të Transportit Ajror, në një komunikim me mediat nga Aeroporti i Rinasit pretendoi se
kontrollorët e trafikut ajror nuk janë në grevë urie por e kishin detyrim ligjor të tregonin se janë në kushtet e paaftësisë për punë për shkak të stresit.
Discussion about this post