Ka vijuar në ditën e saj të tretë greva e urisë së Invalidëve në Elbasan, pasi deri tani nuk kanë marrë asnjë zgjidhje nga Ministria e Shëndetësisë dhe e Mbrojtjes Sociale për problemet e tyre.
Të indinjuar nga fakti se nuk ka pasur asnjë reagim institucional, mesazhin e radhës ia dërgojnë kryeministrit Rama. Mamaja e një prej invalidëve kërkon të takojë kryeministrin për ta pyetur përse i është hequr kempi djalit të saj të sëmurë.
“I thashë doktor kam ardhur për të pyetur se përse na e keni hequr kempin. Doktori më tha ia ka hequr Rama. Pse ia hoqën? E panë në këmbë? Unë nuk i dua paret, unë dua djalin, kam 40 vjet që e shikoj kështu të shtrirë. Nuk e shoh dot kështu, ia bëj thirrje Ramës që të vijë dhe të më takojë mua si nënë. Unë dua djalin tim, jo lekun”, tha nëna e një prej paraplegjikëve, të cilëve iu është hequr një pjesë e kempit.
Discussion about this post