Pas negociatave me drejtues të Institucionit të Ekzekutimit të Vendimeve Penale të burgosurit e Burgut të Sigurisë së Lartë në qytetin e Burrelit kanë formalizuar këkesat e tyre.
Mësohet se pas bisedimeve të burgosurit i kanë kanalizuar kërkesat e tyre në rrugë zyrtare, duke i adresuar tek institucionet përgjegjëse.
Gjithashtu mësohet se 20 nga 70 të burgosurit vijojnë të refuzojnë ushqimin, por edhe këta të burgosur pritet t’i rikthehen normalitetit ditën e sotme.
Të burgosurit e burgut të sigurisë së lartë në Burrel refuzuan të hënën ushqimin e institucionit, pasi kërkonin rritjen e numrit të takimeve mujore dhe zgjerimin e rrethit familjar në takime.
Këto kërkesa tashmë ata i kanë dërguar në rrugë zyrtare pranë Drejtorisë së Përgjithshme të Burgjeve.
