Drejtoria e Përgjithshme e Doganave ka njoftuar këtë të hënë, më 13 prill, se në tre ditët në vijim do të ketë kufizime të përkohshme në pikat doganore me Malin e Zi, Serbinë dhe Bosnjën dhe Hercegovinën.
Sipas njoftimit, masa vjen si pasojë e një greve të paralajmëruar nga transportuesit në këto tre vende, e cila pritet të zhvillohet në datat 14–16 prill.
Për këtë arsye, gjatë periudhës së grevës do të pezullohet kalimi i mjeteve të tonazhit të rëndë në kufi.
Megjithatë, autoritetet kanë bërë të ditur se përjashtim do të bëhet vetëm për transportin e kafshëve të gjalla, rastet emergjente, si dhe për lëvizjen e autoveturave.
Discussion about this post