Grida Duma ka vendosur të heqë dorë nga mandati i deputetes së PD dhe të largohet nga jeta aktive politike në vend. Në një konferencë për mediat nga Kryesia e Kuvendit, Duma konfirmoi zërat për lënien e mandatit duke thënë se ky ishte vendimi i duhur pas një reflektimi të gjatë.
“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Kurrë e kundërta, megjithëse është bërë. Fati i njerëzve që përfaqësoj është misioni që zgjodha. Më e thjeshta do të ishte që të kisha qëndruar. Ka nga ata që po presin skutave të përgjojnë për shansin e tyre të humbur t’i ndrijnë parave. Mund të qëndroja thjesht për të mbijetuar, mund të bëja sikur nuk e shoh luftën e jashtme, por shumë vite në politikën e vijës së parë, nuk i jam larguar përgjegjësisë dhe as betejës, madje kam qenë e para, tha Duma.
Grida Duma e mori mandatin vitin e kaluar në zgjedhjet e 25 prillit. Duma ka qenë një nga zërat më aktivë të opozitës në Kuvend por edhe në publik dhe gëzon një karriere të suksesshme politike.
Lexo edhe: Do dorëzojë mandatin? Grida Duma në konferencë urgjente për shtyp
Discussion about this post